Fusha: Mjedisi jetësor, politikat ekologjike dhe veprimi klimatik

Në bashkëpunim me Ministrinë e Mjedisit Jetësor dhe Planifikimit Hapësinor, OTI GRUP ka zhvilluar një ueb-platformë informative të dedikuar mbrojtjes së mjedisit, zhvillimit të gjelbër, zvogëlimit të ndotjes së ajrit dhe informimit për ndikimin e ndryshimeve klimatike.

Platforma është konceptuar si një hapësirë digjitale për informimin e qytetarëve mbi politikat, masat dhe sfidat që lidhen me mbrojtjen e mjedisit dhe zhvillimin e qëndrueshëm.

Qëllimet kryesore

Projekti synon të kontribuojë në:

• Avancimin dhe promovimin e politikave për mbrojtjen e mjedisit jetësor.
• Informimin mbi kornizën ligjore dhe politikat për veprimin klimatik.
• Parandalimin dhe zvogëlimin e ndotjes së mjedisit.
• Mbrojtjen e natyrës dhe biodiversitetit.
• Shfrytëzimin e qëndrueshëm të resurseve natyrore.
• Zvogëlimin dhe zbutjen e ndikimeve të ndryshimeve klimatike.
• Promovimin e ekonomisë së gjelbër dhe investimeve të qëndrueshme.
• Nxitjen e krijimit të vendeve të gjelbra të punës.

Rëndësia e projektit

Përmes platformës informative, OTI GRUP synon të afrojë informacionet mjedisore me qytetarët, të rrisë ndërgjegjësimin për sfidat ekologjike dhe të promovojë praktika të përgjegjshme për mbrojtjen e natyrës.

Projekti kontribuon në forcimin e komunikimit publik për çështjet mjedisore dhe në promovimin e një qasjeje më të përgjegjshme ndaj zhvillimit të qëndrueshëm.

Link i projektit të realizuar: www.ecu-edu.ngo